Era Trauèssa

Eth Setau Sagèth ei ua trauèssa circulara que comence e acabe en Vielha, damb 103 quilomètres de recorrut e 9.100 mètres de desnivèu acumulat. Trauèsse tres còthi de montanha, plens d’istòria e tradicions. Eth còth de Guèrra, de 2.320 mts. comunique era Val de Toran, autentic paradís de bòsc primari, vals penjades e prigondes gòrges, damb es Lacs de Liat ena zòna nomentada coma “territòri minèr” dera Val d’Aran, pes antiques mines que i auie en tota era zòna. Eth Pòrt de Rius de 2340 mts., antica rota d’amontanhatge e zòna a on se tròben es mès grani lacs d’Aran coma er estanh Mar e Rius, ei per a on passauen es ramats procedenti d’Aragon tàs peisheus aranesi de Colomèrs  e Restanca. Eth Pòrt de Vielha, que damb es sòns 2.470 mts. ei eth punt culminant dera trauèssa, ei un pas naturau cargat d’istòria der Aran e es Pirenèus. Utilizat des de hè sègles pes poblants des vals coma comunicacion e transpòrt de marchandises.

 

Itinerari

Eth Setau Sagèth ei ua trauèssa de montanha que recor en grana part deth sendèr de gran recorrut GR211 e s’a dessenhat  en basa a 5 etapes de forma que sigue ara man deth màger nombre possible de persones. Eth recorrut va damb era direccion des agulhes deth relòtge en foncion d’un mielhor desvolopament tecnic entar usatgèr. Discor tostemp peth sendèr senhalizat, sense cap de pas de dificultat tecnica, çò que lo hè accessible a tot eth mon que pogue hèr front ath rèpte fisic qu’es etapes compòrten.

1a. ETAPA: De Vielha a Bossòst

Sortida de Vielha peth GR211 en direccion Vilac, Mont, Montcorbau, Betlan, Aubert, Arròs, Pont d'Arròs, Begòs, Vilamòs, Era Bordeta e Bossòst.

Distància: 22 km Desnivèu positiu: 737 m.
Temps estimat: de 6 a 7 ores Desnivèu negatiu: 1046 m.

A destacar: Es pòbles per on passa eth sender, es sues Glèises e eth patrimoni culturau. Fantastica vista der Aneto e Maladeta des de Vilamòs.

2au. ETAPA: De Bossòst ath Refugi Era Honeria (Val de Torán)

De Bossòst a Les, Pontaut, Canejan, Porcingles, San Juan de Torán e Refugi Era Honeria.

Distància: 16,5 Km Desnivèu positiu: 635 m.
Temps estimat: de 5 a 6 ores Desnivèu negatiu: 315 m.

A destacar: Jornada de transicion que mos portarà ara Val de Torán passant pera Plaça deth Taro e es Thermes de Les.

3au. ETAPA: Deth Refugi Era Honeria a Salardú

Etapa reina e clau de tota era trauèssa. Era sua longada, desnivèu e beresa la convertissen en ua grana etapa de montanha. Peth GR211, Plà de Grauers, Coth de Guerri, Refugi de Liat, Plà de Tòr, Borda Era Lana, Bagergue e Salardú.

Distància: 27 Km Desnivèu positiu: 1305 m.
Temps estimat: de 7 a 8 ores Desnivèu negatiu: 1057 m.

4au ETAPA: De Salardú ath Refugi Conangles

Salardú, Arties, Valarties, Pont de Ressec, Pontet de Rius, Pòrt de Rius e Conangles. Variant: Era rota des grans Lacs.

Distància: 21 Km Desnivèu positiu: 1176 m.
Temps estimat: de 6,30 a 7,30 ores Desnivèu negatiu: 850 m.

A destacar: Eth Patrimoni Culturau de Salardú e Arties. Eth camin de Valarties, presidit pera espectacular cara nòrt deth Montardo d'Aran. L'Estanh de Rius e eth Pòrt de Rius, lòc utilizadi antigament peth pas deth bestiar.

5au. ETAPA: Deth Refugi Conangles a Vielha

Des deth Refugi cap ara Boca Sud deth Túnel de Vielha. Pòrt de Vielha, Font Freda, Ribera Riu Nere e Vielha.

Distància: 16,5 Km. Desnivèu positiu: 887 m.
Temps estimat: de 5,30 a 6,30 ores Desnivèu negatiu: 1472 m.

A destacar: Eth históric pas utilizadi des de sègles pes abitants d'aguestes Vals entarà eth transport de mercaderies e desplaçaments. Magnifica vista dera Val de Mulleres, Macis de Maladeta e dera Val d'Aran.